काठमाडौँ । आज २०८१ साल मंसिर २९ गते शनिबार तदनुसार सन् २०२४ डिसेम्बर १४ तारिख। मार्गशीर्ष शुक्ल पक्षको चतुर्दशी तिथि।
मेषः दिन राम्रो छ। लगानी गरेको भए सदुपयोग गर्नु राम्रो हुनेछ। स्वदेशमा भन्दा विदेशमा आकर्षण बढ्नेछ। लगानी गरेको भए स्वदेशमा फाइदा हुनेछ।
वृषः मन शान्त हुनेछ। ठूला व्यक्तिको सुझाव लिएर अगाडि बढेमा दैनिकी सहज बन्नेछ। कृषि र पशुपन्छीको क्षेत्रमा लगानी गरेको भए राम्रो आम्दानी हुनेछ।
मिथुनः चिसोबाट बच्नु फाइदा होला। मनको गोपनीयतालाई सुरक्षित गर्नुपर्ने दिन छ। परिवारसँगको सम्बन्ध सुमधुर बन्नेछ।
कर्कटः लगानीका क्षेत्र सबल छन्। दैनिक काममा भन्दा व्यापारमा फाइदा हुनेछ। कपडाको व्यापार गरेमा फाइदा हुनेछ। परिवारसँगको सम्बन्ध सुमधुर बन्नेछ।
सिंहः लगानीका स्रोत फैलिने देखिन्छ। बोली र व्यवहारमा एकरुपता नहुँदा खटपटी बढ्नेछ। प्रेम सम्बन्ध सुमधुर बन्नेछ।
कन्याः शिक्षाको क्षेत्रमा सफलता मिल्नेछ। राजनीतिक क्षेत्रमा विपक्षी सक्रिय भएकाले सचेत बन्नुपर्नेछ। परिवारसँगको सम्बन्ध राम्रो बन्नेछ।
तुलाः आफन्तले धोका दिने दिन छ। गोप्य कुरालाई सुरक्षित गर्नु राम्रो हुनेछ। घरका सदस्यले भन्दा अपरिचित व्यक्तिले प्रशंसा गर्ने योग छ।
वृश्चिकः मनमा खुशी मिल्नेछ। गुरुबाट लिएको सुझावले भविष्य बन्नेछ। आफूभन्दा ठूला व्यक्तिको सुझाव अनुसार काम गर्नु राम्रो हुनेछ। बिहान उठेर पिपलको दर्शन गरेमा दिन सहज बन्नेछ।
धनुः सहयोगी भन्दा विरोधी साथी धेरै भएकाले व्यवहार गर्दा सचेत बन्नुपर्नेछ। बन्धुले साथ नदिने हुनाले विश्वास नगर्नु राम्रो हुनेछ। परिवारको साथ र सहयोग प्राप्त हुनेछ।
मकरः साढेसाती दशा भए पनि शुभग्रहको बहुमत रहेको छ। वैदेशिक क्षेत्रमा गरेको लगानी सफल बन्नेछ। परिवारले भने तपाईंमाथि शङ्का गर्नेछ।
कुम्भः व्यवहारमा उतारचढाव बढ्ने देखिन्छ। आफन्तबाट अपमानित भएको महसुस हुनेछ। रोगसँग लड्ने क्षमता भने बढ्नेछ। साथीभाइले सहयोग गर्नेछन्।
मीनः बिहान उठेर गणेशको पूजा गर्नु राम्रो हुनेछ। बोली र व्यवहारमा एक रुपता नहुँदा परिवारमा खटपटी बढ्नेछ।
