काठमाडौँ । आज २०८१ साल मंसिर ३० गते आइतबार तदनुसार सन् २०२४ डिसेम्बर १५ तारिख। मार्गशीर्ष शुक्ल पक्षको पूर्णिमा तिथि। धान्य पूर्णिमा, उधौली पर्व आजै परेका छन्। गढीमाई मेलासमेत आजकै दिन पर्छ।
मेषः साथीभाइले असहयोग गर्नेछन्। अचानक धन खर्च हुनसक्छ। अर्काको कुरा सुनेर मनलाई चञ्चल बनाएमा घाटा हुनेछ। बौद्धिक व्यक्तिसँगको भेटले मन शान्त हुनेछ।
वृषः बोल्दा सचेत बन्नुपर्नेछ। स्वास्थ्यमा भने सुधार हुनेछ। स्वदेशमा भन्दा विदेशमा लगानी गर्न मन लाग्नेछ। परिवारलाई ठुलो विश्वास गर्दा धोका हुने जोखिम छ।
मिथुनः सञ्चित धनको खर्च हुने दिन छ। स्वास्थ्यको ख्याल नगर्नाले जोखिम बढ्नेछ। समाजले तपाईंलाई असहयोग गर्ने र परिवारले शङ्का गर्ने वातावरण बन्नेछ।
कर्कटः शान्त बनेर अगाडि बढ्नु राम्रो हुनेछ। संयुक्त लगानीबाट फाइदा हुनेछ। शिक्षाको क्षेत्रमा विदेशमा भन्दा स्वदेशमा अवसर मिल्ने योग छ। राजनीतिक क्षेत्रमा संकट आइपर्ने देखिन्छ।
सिंहः विपक्षी शक्तिशाली भएकाले झुकेर अगाडि बढ्दा फाइदा हुनेछ। परिवारको कुरा बढी सुन्दा घाटा लाग्नेछ। गोपनीयता भङ्ग नगर्नु राम्रो हुनेछ।
कन्याः मनमा प्रसन्नता बढ्नेछ। साथीभाइ दाहिना भएकाले काम बन्नेछ। विदेशमा गरेको लगानीबाट आम्दानी बढ्नेछ। चिसोबाट हुने रोगबाट जोगिनुपर्नेछ।
तुलाः मनमा खटपटी बढ्नसक्छ। स्वास्थ्यले साथ नदिनाले मन दुःखी हुनेछ। तपाईंले विश्वास गरेका पात्रले असहयोग गर्नेछन्। परिवारसँगको सम्बन्ध भने सुमधुर बन्नेछ।
वृश्चिकः पिपलको दर्शन गरेमा दिन सहज बन्नेछ। प्राविधिक शिक्षामा गरेको लगानीबाट फाइदा हुनेछ। परिवारलाई विश्वास बढी गर्दा धोका हुने जोखिम छ।
धनुः महत्त्वपूर्ण काम नहुने जोखिम छ। बौद्धिक क्षेत्रलाई प्रयोगमा ल्याउनुपर्नेछ। परिवारका सदस्यले साथ र सहयोग गर्नेछन्। दिन सामान्य राम्रो छ।
मकरः शिक्षाको क्षेत्रको जोस र जाँगरले सार्थकता पाउने छ। बोलीमा ठेगान नहुने भएकाले बोल्नु अगाडि सचेत बन्नुपर्ने दिन छ।
कुम्भः साना कुराले मनमा खटपटी बढ्नेछ। साथीभाइको साथमा महत्त्वपूर्ण काम बन्नेछ। परिवारले साथ दिने हुनाले सङ्कट टर्नेछ।
मीनः दिदीबहिनी र दाजुभाइसँगको सहकार्य सफल बन्नेछ। पढाइमा ढिलासुस्ती बढ्नेछ। बोली र व्यवहारमा एक रुपता नहुँदा खटपटी बढ्नेछ।
