पूर्व मेयर पिएल सिंहको निधन, काठमाडौँ महानगरपालिकाद्वारा आज शोक बिदा दिने निर्णय

मुख्य समाचार

गृहपृष्ठ
मुख्य समाचार
पूर्व मेयर पिएल सिंहको निधन, काठमाडौँ महानगरपालिकाद्वारा आज शोक बिदा दिने निर्णय

पूर्व मेयर पिएल सिंहको निधन, काठमाडौँ महानगरपालिकाद्वारा आज शोक बिदा दिने निर्णय

सोमबार, पुस १, २०८१ राष्ट्रिय समाचार

काठमाडौँ । काठमाडौँ महानगरपालिकाका पूर्व मेयर पिएल सिंहको निधन भएको छ ।

उहाँको आज ८७ वर्षको उमेरमा उपचारका क्रममा निधन भएको पारिवारिक स्रोतले जनाएको छ ।नेपाली काँग्रेसका नेता सिंह पेटसम्बन्धी रोगको उपचारमा हुनुहुन्थ्यो ।

उनको पार्थिव शरीर श्रद्धाञ्जलीका लागि आज बिहान ११ सम्म निवास चक्सिबारीमा राखिने र त्यसपछि काँग्रेस केन्द्रीय कार्यालयमा दुई घन्टासम्म राखिने बताइएको छ । उनको आजै अन्त्येष्‍टि गरिनेछ ।

काठमाडौँ महानगरपालिकाले पूर्व मेयर सिंहको निधनमा आज शोक बिदा दिएको छ ।

कामपाको सहायक प्रवक्ता धुव्रकुमार काफ्लेले पूर्व मेयर सिंहको निधनमा कामपाको केन्द्रीय कार्यालय र मातहतको सबै वडा कार्यालयको अत्यावश्यक बाहेकका सेवा बन्द गरी शोक बिदा दिने निर्णय गरेको जानकारी दिए ।

२०५२ साल मङ्सिर २९ गते काठमाडौँ नगरपालिकालाई महानगरपालिका घोषणा गरिएको थियो ।

प्रकाशित मिति: सोमबार, पुस १, २०८१ १०:२३

प्रतिक्रिया दिनुहोस्