काठमाडौँ । आज २०८१ साल पुस ३ गते बुधबार तदनुसार सन् २०२४ डिसेम्बर १८ तारिख। पौष कृष्ण पक्षको तृतीया तिथि। अन्तर्राष्ट्रिय आप्रवासी दिवस।
मेषः दैनिक काम गर्नु अगाडि सूर्यको दर्शन आवश्यक देखिन्छ। राजनीतिक क्षेत्रमा नेतृत्वबाट त्रास बढ्नेछ। व्यापारको लगानी सफल बन्नेछ।
वृषः महत्त्वपूर्ण काम गरेर देखाउने समय आएको छ। व्यापारमा एकल निर्णय लिनुभन्दा सहकार्य गर्नु आवश्यक देखिन्छ। प्रेम सम्बन्ध सुमधुर बन्नेछ।
मिथुनः ज्ञानको दायरा फराकिलो बन्नेछ। भविष्यलाई सम्झिएर व्यवहार गर्नु आवश्यक देखिन्छ। व्यवहारको अप्ठेरोले तपाईं समस्यामा पर्ने योग छ।
कर्कटः विदेशमा गरेको लगानीबाट फाइदा हुनेछ। स्वास्थ्यमा सुधार हुनेछ। परिवारसँग घुमघाम गर्ने दिन छ। तीर्थको लागि समय तय हुनेछ।
सिंहः दिन राम्रो छ। गुरुसँग सल्लाह लिएर अगाडि बढ्नुपर्ने देखिन्छ। अग्रजको सुझाव महत्त्वपूर्ण बन्नेछ। स्वास्थ्यमा देखिएको समस्यामा सुधार हुनेछ।
कन्याः साथीसँग कुरा गर्दा गोपनीयता भङ्ग हुने भएकाले सचेत बन्नुपर्नेछ। स्वास्थ्यको क्षेत्रमा गरेको लगानीबाट लाभ हुनेछ।
तुलाः आज परिवारको भन्दा बाहिरका मान्छेको साथ र सहयोग मिल्नेछ। विदेशमा गरेको लगानीबाट फाइदा हुनेछ। परिवारसँगको सम्बन्ध सहज बन्ने योग छ।
वृश्चिकः बिहान अप्ठेरो परिस्थिति बने पनि दिउँसोपछि सोचेको काम बन्नेछ। अनावश्यक खर्च कटौती गर्नु राम्रो हुनेछ। साथीभाइको सहयोग मिल्नेछ।
धनुः थोरै लगानी गरेको भए पनि व्यापारमा फाइदा हुनेछ। विपक्षी भन्दै गरेका साथीहरूले तपाईंको पक्षमा काम गर्नेछन्। परिवारसँग बसेर रमाइलो घुमघाम हुनेछ।
मकरः कार्यशैलीमा भने परिवर्तन आवश्यक छ। कृषि क्षेत्रमा घाटा हुनेछ। पशुजन्य व्यापारमा भए सचेत बन्नुपर्ने समय छ। सङ्कटमा साथीको भने साथ मिल्नेछ।
कुम्भः सानो विषयले धेरै दुःख दिने देखिन्छ। शनिदेव सकारात्मक भए तपाईंले सोचेका काम बन्नेछन्। बिहान उठेर शिवको भजन सुन्न सकेमा दिन सहज बन्नेछ।
मीनः व्यस्त दैनिकीले शारीरिक समस्या हुनसक्छ। खानपानमा ख्याल नगर्दा स्वास्थ्यमा समस्या थप बढ्नेछ। गणेशको सम्झना गर्दै दिनको सुरुवात गरेमा काम बन्नेछ।
