नेप्से ३१ दशमलव ४३ अङ्कले घट्यो

अर्थ

गृहपृष्ठ
अर्थ
नेप्से ३१ दशमलव ४३ अङ्कले घट्यो

नेप्से ३१ दशमलव ४३ अङ्कले घट्यो

बिहीबार, पुस ४, २०८१ राष्ट्रिय समाचार

काठमाडौँ । शेयर बजार परिसूचक नेप्से आज ३१ दशमलव ४३ अङ्कले घटेर दुई हजार पाँच सय ९६ दशमलव ८२ विन्दुमा झरेको छ ।

नेप्से झन्डै साढे २ महिनापछि २६ सय विन्दुमुनि झरेको हो । यसअघि गएको असोज १६ गते नेप्से २६ सय विन्दुमुनि झरेको थियो ।

आज सबै समूहको शेयर घटेकोमा विकास बैङ्क, फाइनान्स, होटल, जलविद्युत्, बीमा, व्यापार समूहको शेयर उच्च अङ्कले ओरालो लागेको छ ।

आज नारायणी विकास बैङ्कको शेयर नौ प्रतिशतभन्दा धेरैले घटेको छ । समग्रमा बजार घटेको दिन सपोर्ट माइक्रोफाइनान्स वित्तीय संस्थाको शेयर भने १० प्रतिशतले बढेर सकारात्मक सर्किट लागेको छ ।

आज कारोबार रकम भने सामान्य बढेको छ । हिजो चार अर्ब २७ करोडको शेयर किनबेच भएकोमा आज तीन सय १० वटा कम्पनीका ९८ लाख ३२ हजार कित्ता शेयर चार अर्ब ७६ करोड रुपैयाँमा किनबेच भएको छ।

प्रकाशित मिति: बिहीबार, पुस ४, २०८१ १५:३९

प्रतिक्रिया दिनुहोस्