काठमाडौँ । आज २०८१ साल पुस ५ गते शुक्रबार तदनुसार सन् २०२४ डिसेम्बर २० तारिख। पौष कृष्ण पक्षको पञ्चमी तिथि। नक्षत्र अनुसार १२ वटा राशि हुन्छन्।
मेषः दिन राम्रो छ। गुरुको सुझाव अनुसार अगाडि बढेमा व्यवहार सहज बन्नेछ। राजनीतिक क्षेत्रमा भने झुटो आश्वासनले सताउने देखिन्छ।
वृषः शिक्षाको क्षेत्रमा भने निरास बन्नुपर्ने अवस्था सिर्जना हुनसक्छ। राजनीतिमा समय नदिनु राम्रो हुनेछ। पश्चिमको लामो यात्रामा नजानुहोला।
मिथुनः सम्पत्ति अर्कोको हातमा पर्ने जोखिम छ। तपाईंले गरेको कामको जस अरुले लिने जोखिम छ। विदेशमा भन्दा स्वदेशमा गरेको लगानीबाट फाइदा हुनेछ।
कर्कटः बिहान उठेर धार्मिक कार्यमा सहभागी भएमा दिन शान्त बन्नेछ। सामाजिक र राजनीतिक क्षेत्रमा प्रगति हुनेछ। लगानी गरेमा फाइदा हुने योग छ।
सिंहः साथीभाइले तपाईंको कामको प्रशंसा गर्नेछन्। प्राविधिक क्षेत्रमा गरेको लगानी सफल बन्नेछ। स्वादेशमा भन्दा विदेशतर्फको आकर्षणा बढ्नेछ।
कन्याः सम्पत्तिको सदुपयोग गर्नुपर्नेछ। साथीभाइले कुरा काट्ने भएकाले सचेत बन्नुपर्ने समय छ। आज ठुलो कारोबारको सुरुवात नगर्नु राम्रो हुनेछ।
तुलाः इज्जतका लागि सम्पत्ति खर्च गर्नुपर्ने दिन छ। बौद्धिक क्षेत्रमा तपाईंले गरेको कामको टिप्पणी बढी नै हुनेछ। परिवारबाट भन्दा घर भन्दा बाहिरबाट तपाईंको प्रशंसा हुनेछ।
वृश्चिकः सहकर्मीसँग सहकार्य गर्नु राम्रो हुनेछ। स्वास्थ्यमा सुधार हुनेछ। प्राविधिक शिक्षामा गरेको प्रयास सफल बन्नेछ। सानो कुरामा ठुलो झन्झट आइपर्ने जोखिम देखिन्छ।
धनुः व्यापारमा गरेको प्रयास सफल बन्नेछ। चिसोबाट बच्न सकेमा दीर्घकालीन रोगको असर कम हुनेछ। शिक्षाको क्षेत्रमा जोस र जाँगर बढ्नेछ।
मकरः दिन सामान्य छ। पूर्वको लामो यात्रा नगर्नु राम्रो हुनेछ। सञ्चित धन खर्च हुनेछ। शनिदेवको खुशीका लागि पिपलको दर्शन गर्न सकेमा मन शान्त हुनेछ।
कुम्भः लगानीका क्षेत्रमध्ये शिक्षाको क्षेत्रमा गरेको लगानीबाट फाइदा हुनेछ। परिवारको साथमा बसेर रमाइलो गर्ने अवसर मिल्नेछ। राजनीतिक क्षेत्रमा पाइला अगाडि नसार्नु राम्रो हुनेछ।
मीनः अनुत्पादक क्षेत्रमा खर्च बढ्ने जोखिम रहेको छ। काम गर्ने नै भए सहकार्य गरेर अगाडि बढ्नु फाइदाजनक हुनेछ। छिमेकमा भएका शुभकार्यले मन शान्त बन्नेछ।
