काठमाडौँ । आज २०८१ साल पुस ७ गते आइतबार तदनुसार सन् २०२४ डिसेम्बर २२ तारिख। पौष कृष्ण पक्षको सप्तमी तिथि। रवि सप्तमी व्रत।
मेषः दिन राम्रो छ। व्यापारमा गरेको प्रयास सफल बन्नेछ। स्वास्थ्यमा सुधार हुनेछ। चिसोबाट हुने रोगबाट बच्नुपर्ने। राज्यको तर्फबाट सेवाको अवसर मिल्नेछ।
वृषः थोरै बोलेर अगाडि बढ्नुपर्नेछ। स्वास्थ्यमा सुधार हुनेछ। परिवारबाट विश्वासघात हुने जोखिम रहेको छ। पूर्वको लामो यात्रामा नजानु राम्रो हुनेछ।
मिथुनः बन्धुसँगको कारोबारबाट फाइदा हुनेछ । परिवारको सुझाव अनुसार अगाडि बढेमा उत्साह बढ्नेछ। साथीको सहयोगले महत्त्वपूर्ण काम बन्नेछ।
कर्कटः सानो कुरा भए पनि दान गरेर दिनको सुरुवात गरेमा काम बन्नेछ। विपक्षी शान्त भएकाले सोचेको काम गर्दा फाइदा हुनेछ। प्रेम सम्बन्ध सुमधुर बन्ने योग छ।
सिंहः आज गरेका काम दीर्घकालसम्म रहनेछन्। काम गर्दा सचेत बन्नुपर्ने आवश्यकता देखिन्छ। शिक्षाको क्षेत्रमा गरेको प्रयास सफल बन्नेछ। परिवारमा खटपटी बढ्ने भएकाले सचेत बन्नुपर्ने छ।
कन्याः दैनिक काम सहजै बन्नेछन्। सानो कुराले मनमा खटपटी भए पनि मित्रजनसँगको भेटले मन शान्त बन्नेछ। परिवारसँग रमाइलो गर्ने अवसर मिल्नेछ।
तुलाः साना कुरामा अल्झिनुभन्दा महत्त्वपूर्ण कामलाई अगाडि बढाउँदा फाइदा हुनेछ। परिवारसँगको सम्बन्ध सुमधुर बन्नेछ।
वृश्चिकः महत्त्वपूर्ण काम बन्नेछ। दाजुभाइसँगको सहकार्यले उन्नति हुनेछ। खानपानमा ख्याल नगर्दा चिसोले सताउने जोखिम छ। विदेशमा गरेको लगानीप्रति आकर्षण बढ्नेछ।
धनुः धन आर्जन गर्ने समय आएको छ। सरकारी काममा भन्दा निजी तरिकाले अगाडि बढ्नु राम्रो हुनेछ। साथीसँगको भेटले मन शान्त बन्नेछ।
मकरः साथीभाइले आक्रमण गर्ने जोखिम छ। सहकर्मीले भन्दा बाहिरका साथीले तपाईंको प्रशंसा गर्नेछन्। पूर्वको लामो यात्रा नगर्नु उचित हुन्छ।
कुम्भः शुभग्रहको पहुँचले काम बन्नेछ। धार्मिक अभियन्तासँगको परामर्श फलदायी हुनेछ । साथीभाइको भने साथ र सहयोग मिल्ने योग छ।
मीनः सानातिना कुराले मनमा झन्झट बढ्नेछ। बोली र व्यवहारमा एक रुपता आवश्यक देखिन्छ । शिक्षामा गरेको लगानीबाट फाइदा हुनेछ।
