काठमाडौँ । आज २०८१ साल पुस ८ गते सोमबार तदनुसार सन् २०२४ डिसेम्बर २३ तारिख । पौष कृष्ण पक्षको अष्टमी तिथि । गोरखकाली पूजा ।
मेषः सोचेका काम बन्नेछन् । साना कुरामा तर्क गर्ने बानीले अप्ठेरो परिस्थितिको सिर्जना हुने भएकाले थोरै बोल्नु फाइदा हुनेछ । बोल्दा सचेत बन्नुपर्ने छ ।
वृषः प्रतिकार गरेर बोल्ने बानीले अप्ठेरो परिस्थितिको सिर्जना हुनसक्छ । राज्यको सेवा गर्दै हुनुहुन्छ भने पदोन्नती हुनेछ । लगानी गरेर इज्जत राख्ने दिन छ ।
मिथुनः धार्मिक अभियन्तासँगको भेटले मन शान्त बन्नेछ । बोली र व्यवहारमा एक रुपता नहुँदा हरेक कुरामा सङ्कट झेल्नुपर्ने आवश्यकता देखिन्छ ।
कर्कटः दान गरेर दिनको सुरुवात गरेमा दिन सहज बन्नेछ । परेवालाई दाना मात्र दिएमा काम बन्नेछ । राज्यको सेवामा भए महत्त्वपूर्ण काम बन्नेछ ।
सिंहः साथीभाइले प्रयोग गर्न खोज्ने भएकाले सचेत भएर काम गर्नुपर्नेछ । स्वदेशमा विकल्प देखेर खुशी हुने दिन छ । परिवारमा रमाइलो गर्ने अवसर मिल्नेछ ।
कन्याः साथीभाइ र आफन्तको साथ मिल्नेछ । शिक्षाको क्षेत्रमा गरेको प्रयासले हौसला थपिनेछ । स्वास्थ्यले साथ दिएकाले परिवारसँगको सम्बन्ध सहज बन्नेछ ।
तुलाः खर्चबाट बच्नु राम्रो हुनेछ । शिक्षाको क्षेत्रमा ढिलासुस्ती भए पनि घाटा नहुने भएकाले यो क्षेत्रमा लगानी गर्नु राम्रो हुन्छ । परिवारको साथ र सहयोग प्राप्त हुनेछ ।
वृश्चिकः दाजुभाइसँग गरेको सहकार्यले फाइदा हुनेछ । साना कुरामा नअल्झिनु राम्रो हुनेछ । तर्क गर्नाले मन अशान्त हुनेछ । परिवारमा भने कर्तव्य पूरा गर्नु उचित हुनेछ ।
धनुः थोरै लगानी गरेर सम्पत्ति आर्जन हुनेछ । राज्यको तर्फबाट तपाईंलाई हेर्ने नजर राम्रो छ । स्वास्थ्यले साथ दिएमा परिवारको पनि साथ र सहयोग प्राप्त हुनेछ ।
मकरः कला र गलाको प्रदर्शन गर्ने दिन हो । लगानीका क्षेत्र बलिया भएकाले लगानी गर्ने हिम्मत गर्नुपर्ने समय आएको छ । धार्मिक घुमघामको तय हुनाले मन शान्त बन्नेछ ।
कुम्भः साना कुराले मनमा झन्झट थप्नेछ । बिहान उठेर शिवको भजन सुनेमा दिन सहज बन्नेछ । सञ्चित धन खर्च हुनेछ । स्वास्थ्यमा सुधार हुने भएकाले दिन सहज बन्नेछ ।
मीनः मन शान्त बन्नेछ । साथीले सकारात्मक व्यवहार देखाएकाले तपाईंलाई लाभ हुनेछ । प्रेम सम्बन्ध सुमधुर बन्ने योग छ ।
