काठमाडौँ । आज २०८१ साल पुस ९ गते मङ्गलबार तदनुसार सन् २०२४ डिसेम्बर २४ तारिख। पौष कृष्ण पक्षको नवमी तिथि।
मेषः साथीभाइ साथ दिन भन्दा कुरा काट्न सक्रिय हुनेछन्। वैदेशिक रोजगारीको क्षेत्रमा लगानी भए फाइदा हुनेछ। दिन सामान्य छ। सञ्चित धन खर्च हुनेछ।
वृषः थोरै बोलेर अगाडि बढ्नुपर्ने दिन छ। स्वदेशमै रोजगारीको अवसर सिर्जना हुनेछ। धार्मिक व्यक्तिसँगको भेटले दिन रमाइलो बन्नेछ। शिक्षाको क्षेत्रमा जोस र जाँगर बढ्नेछ।
मिथुनः अनावश्यक कुरा सोच्न थाल्दा घाटा हुनेछ। अप्रिय खबर सुन्नुपर्ने हुनसक्छ। खानपानमा समस्या हुँदा स्वास्थ्यमा गढबढी हुनसक्छ। सामाजिक क्षेत्रमा सम्मान प्राप्त हुनेछ।
कर्कटः इज्जत राख्न सम्पत्ति खर्च गर्नुपर्ने हुनसक्छ। राजनीतिक सङ्गठनमा राम्रो पहुँच भएकाले महत्त्वपूर्ण काम बन्नेछ। पश्चिमको लामो यात्रामा नजानु राम्रो हुनेछ।
सिंहः सम्पत्तिको सुरक्षा गर्नुपर्नेछ। बौद्धिक साथीले असहयोग गर्दा मन दुःखी बन्नेछ। संकटमा परिवारको साथ मिल्नेछ।
कन्याः सोचेको काम गर्दा दोहोरो फाइदा हुनेछ। शिक्षाको क्षेत्रमा गरेको प्रयासबाट मन शान्त बन्नेछ। परिवारसँग रमाइलो गर्ने अवसर मिल्नेछ।
तुलाः अनुत्पादक क्षेत्रमा गरेको लगानीले मन अशान्त बन्नेछ। खर्च कटौती गर्नुपर्ने समय छ। दैनिक काम सञ्चालन गर्न सहज हुनेछ।
वृश्चिकः बौद्धिक व्यक्तिसँगको अन्तरक्रियाले मन शान्त बन्नेछ। साना कुरामा अल्झिनाले मन अशान्त बन्नेछ। परिवारसँगको भेटमा खुशी मिल्नेछ।
धनुः रोग प्रतिरोधात्मक क्षमता बढ्नेछ। सामाजिक सेवाको अवसरको सदुपयोग गरेमा फाइदा हुनेछ। परिवारको साथ र सहयोग मिल्नेछ।
मकरः साथीभाइबाट सकारात्मक साथ र सहयोग मिल्नेछ। परिवारबाट साथ र सहयोग मिल्नेछ। खर्च कटौती गर्नु राम्रो हुनेछ।
कुम्भः साना कुराले मनमा झन्झट बढ्नेछ। सहयोग गर्ने भन्दा असहयोग गर्ने साथीको बहुमत छ। जन्मकुण्डलीमा शनिदेव उचित ग्रहमा भए सोचेको काम बन्नेछ।
मीनः बोली र व्यवहार फरक भएमा अप्ठेरोमा पर्ने जोखिम छ। बोलेको काम गर्नुपर्ने बाध्यता हुनसक्छ। सङ्कटमा परिवारको साथ र सहयोग प्राप्त हुनेछ।
