काठमाडौँ । आज २०८१ साल पुस १५ गते सोमबार तदनुसार सन् २०२४ डिसेम्बर ३० तारिख। पौष कृष्ण पक्षको औंसी तिथि।
मेषः दिन राम्रो छ। मन प्रसन्न रहनेछ। सामाजिक भन्दा धार्मिक क्षेत्रमा रुचि बढ्नेछ। रोगबाट मुक्त हुने योग छ। परिवारको साथ र सहयोग मिल्नेछ।
वृषः मन अशान्त हुनसक्छ। हिजो नजिकै भएका साथीले आज विरोध गर्नसक्ने जोखिम छ। निजी शिक्षामा गरेको लगानीबाट फाइदा हुनेछ। साना कुरामा विवाद नगर्नु राम्रो हुनेछ।
मिथुनः परिवारसँग बसेर नयाँनयाँ परिकार खाएर रमाइलो गर्ने अवसर मिल्नेछ। सञ्चित धन खर्च हुनेछ। उचित ठाउँमा लगानी हुँदा मन सन्तुष्ट हुनेछ।
कर्कटः शुभग्रहको बहुमत छ। लगानीको क्षेत्रमा घाटा नहुने देखिन्छ। पूर्वको लामो यात्रामा नजानु राम्रो हुनेछ। परिवारमा साथीको कुरा बिक्ने हुँदा मन खिन्न हुनेछ।
सिंहः लगानीका क्षेत्र सबल छन्। लगानी गरेको भए फाइदा हुने दिन छ। परिवारसँगको सम्बन्ध सुमधुर बन्नेछ। काम गर्नु अगाडि परिवारसँग सल्लाह गर्नु उचित हुनेछ।
कन्याः मनमा असन्तुष्टि पैदा हुनसक्छ। कारोबारमा घाटा हुनसक्छ। समकालीन भन्दा आफूभन्दा साना साथीसँग सहकार्य गर्नु फाइदाजनक हुनेछ।
तुलाः ठुलो धन खर्च गर्ने हिम्मत नगर्नु राम्रो हुनेछ। विदेशी रमझमले मन आकर्षित गर्नेछ। बन्धुसँगको कारोबारबाट मनोकामना पूरा हुनेछ।
वृश्चिकः आर्थिक लाभ हुने योग परेको छ। स्वास्थ्यले साथ दिनेछ। परिवारमा भने खटपटी बढ्नेछ। प्रेम सम्बन्धमा सम्हालिएर अगाडि बढ्नुपर्नेछ।
धनुः मन शान्त बन्नेछ। राजनीतिक सङ्गठनले साथ दिनेछन्। विपक्षीको आवाज सुन्ने बानीको विकास नहुँदा घाटा हुने जोखिम छ । मनमा रहेका योजना सार्वजनिक नगर्नु राम्रो हुनेछ।
मकरः हरेक काममा बाधा आइलाग्नेछ। सोचेका काममा अवरोध हुँदा मन अशान्त बन्नसक्छ। धार्मिक व्यक्तिसँगको भेटले मनमा शान्ति मिल्नेछ।
कुम्भः नराम्रो शब्द उच्चारण नगर्नु राम्रो हुनेछ। धार्मिक क्षेत्रका अभियान्तले तपाईंको मनमा प्रभाव पार्ने देखिन्छ। धार्मिक कार्यमा सहभागी भएर दिनको सुरुवात गर्नु राम्रो हुनेछ।
मीनः ढिलासुस्ती भए पनि दीर्घकालीन सफलता प्राप्त हुनेछ। अप्ठेरो परिस्थितिमा परिवारको साथ मिल्नेछ। प्रेम सम्बन्ध सुमधुर बन्ने दिन छ ।
