अमेरिकी पूर्वराष्ट्रपति जिम्मी कार्टरको निधन, राष्ट्रपति पौडेलद्वारा दुःख व्यक्त

अन्तर्राष्ट्रिय

गृहपृष्ठ
अन्तर्राष्ट्रिय
अमेरिकी पूर्वराष्ट्रपति जिम्मी कार्टरको निधन, राष्ट्रपति पौडेलद्वारा दुःख व्यक्त

अमेरिकी पूर्वराष्ट्रपति जिम्मी कार्टरको निधन, राष्ट्रपति पौडेलद्वारा दुःख व्यक्त

सोमबार, पुस १५, २०८१ राष्ट्रिय समाचार

काठमाडौँ । संयुक्त राज्य अमेरिकाका पूर्वराष्ट्रपति जिम्मी कार्टरको निधन भएको छ ।

अमेरिकाका ३९ औँ राष्ट्रपति कार्टरको एक सय वर्षको उमेरमा आइतबार जर्जियाको सानो शहर प्लेन्समा रहेको आफ्नै घर होस्पिस केयरमा निधन भएको हो । उनकी श्रीमती रोजालिनको सन् २०२३ नोभेम्बरमा ९६ वर्षको उमेरमा निधन भएको थियो ।

आफ्नो ८० को दशकमा कूटनीतिक मिसनहरू सञ्चालन गरेका कार्टरले ९० को दशकमा गरिबहरूका लागि घरहरू निर्माण गरेका थिए । पूर्वराष्ट्रपति कार्टरले नेपालमा पहिलो पटक भएको संविधानसभा निर्वाचनको पर्यवेक्षणका लागि नेपाल भ्रमण गरेका थिए ।

राष्ट्रपति रामचन्द्र पौडेलले पूर्वराष्ट्रपति कार्टरको निधनप्रति दुःख व्यक्त गरेका छन् ।

राष्ट्रपति पौडेलले आज सामाजिक सञ्जाल एक्स मार्फत उनको निधनप्रति दुःख व्यक्त गर्दै शान्ति, मानव अधिकार र परोपकारमा कार्टरको योगदान विश्वका लागि प्रेरणा बनेको उल्लेख गरेका छन्।

राष्ट्रपति पौडेलले उनको परिवार र अमेरिकी जनताप्रति समवेदना समेत प्रकट गरेका छन् ।

प्रकाशित मिति: सोमबार, पुस १५, २०८१ १२:०८