काठमाडौँ । आज २०८१ साल पुस १६ गते मङ्गलबार तदनुसार सन् २०२४ डिसेम्बर ३१ तारिख। शुक्ल पक्षको प्रतिपदा तिथि। तोल ल्होसार।
मेषः दिन राम्रो छ। मन प्रसन्न रहनेछ। सामाजिक भन्दा धार्मिक क्षेत्रमा रुचि बढ्नेछ। रोगबाट मुक्त हुने योग छ। परिवारको साथ र सहयोग मिल्नेछ।
वृषः मन अशान्त हुनसक्छ। नजिकै भएका साथीले आज विरोध गर्नसक्ने जोखिम छ। निजी शिक्षामा गरेको लगानीबाट फाइदा हुनेछ। साना कुरामा विवाद नगर्नु राम्रो हुनेछ।
मिथुनः सञ्चित धन खर्च हुनेछ। उचित ठाउँमा लगानी हुँदा मन सन्तुष्ट हुनेछ। परिवारमा नयाँनयाँ परिकार खाएर रमाइलो गर्ने अवसर मिल्नेछ।
कर्कटः आफ्ना तरिकाले गरेको लगानीबाट घाटा नहुने देखिन्छ। पूर्वको लामो यात्रामा नजानु राम्रो हुनेछ। परिवारमा साथीको कुरा बिक्ने हुँदा मन खिन्न हुनेछ।
सिंहः लगानीका क्षेत्र सबल छन्। शिक्षामा जोस र जाँगर बढ्नेछ। लगानी गरेको भए फाइदा हुने दिन छ। काम गर्नु अगाडि परिवारसँग सल्लाह गर्नु उचित हुनेछ।
कन्याः मनमा असन्तुष्टि पैदा हुनसक्छ। आफूले गरेको कारोबारमा आफैलाई घाटा हुनसक्छ। समकालीन भन्दा आफूभन्दा साना साथीसँग सहकार्य गर्नु फाइदाजनक हुनेछ।
तुलाः ठुलो धन खर्च गर्ने हिम्मत नगर्नु राम्रो हुनेछ। शिक्षामा गरेको लगानीबाट फाइदा हुनेछ। विदेशी रमझमले मन आकर्षित गर्नेछ। विदेशमा गरेको लगानीबाट फाइदा हुनेछ।
वृश्चिकः साथीको साथ मिल्नेछ। राजनीतिक सङ्गठनमा सेवाको अवसर मिल्नेछ। पश्चिमको लामो यात्रा नगर्नु राम्रो हुनेछ। शिक्षामा गरेको लगानीबाट सफलता मिल्नेछ।
धनुः मन प्रसन्न हुने दिन छ। रोगसँग लड्ने क्षमता बढ्नेछ। विपक्षीको आवाजलाई रोक्ने बौद्धिक क्षमता वृद्धि हुनेछ। परिवारले साथ दिँदा मन शान्त बन्नेछ।
मकरः आफूखुशी खर्च गर्ने बानी कटौती गर्नुपर्ने दिन छ। नजिकैको साथीसँग सल्लाह गरेर अगाडि बढ्दा सहज हुनेछ। स्वदेशको भन्दा विदेशको मोह बढेको देखिन्छ।
कुम्भः स्वास्थ्यको ख्याल नगर्दा शारीरिक शक्ति कमजोर बन्नेछ। बिहान उठेर धार्मिक कार्यमा सहभागी बनेमा राम्रो हुनेछ। विपक्षी शान्त भएकाले तपाईंको काम बन्ने योग छ।
मीनः बोल्दा सचेत बन्नुपर्ने समय छ। सहकर्मीको साथ र सहयोग मिल्नेछ। धार्मिक कार्यमा सहभागी भएर दिनको सुरुवात गरेमा फाइदा हुनेछ।
