सर्लाहीमा ट्रयाक्टर र मोटरसाइकल ठोक्किँदा दुई जनाको मृत्यु

मुख्य समाचार

गृहपृष्ठ
मुख्य समाचार
सर्लाहीमा ट्रयाक्टर र मोटरसाइकल ठोक्किँदा दुई जनाको मृत्यु

सर्लाहीमा ट्रयाक्टर र मोटरसाइकल ठोक्किँदा दुई जनाको मृत्यु

मंगलबार, पुस १६, २०८१ राष्ट्रिय समाचार

सर्लाही। सर्लाहीको नयारोड सडकखण्डमा उखु बोकेको ट्रयाक्टर र मोटरसाइकल ठोक्किँदा दुई जनाको मृत्यु भएको छ ।

गए राति बरहथवा नगरपालिका- ९ शान्ति चोकमा उखु बोकेर हरिवनतर्फ आउँदै गरेको ज १ त ९८७६ नम्बरको ट्रयाक्टर र नयाँरोडबाट बरहथवा जाँदै गरेको ज४प ३७७ नम्बरको मोटरसाइकल आपसमा ठोक्किएको थियो । दुर्घटनामा मोटरसाइकलमा सवार दुई युवाको मृत्यु भएको छ ।

मृत्यु हुनेमा मोटरसाइकल चालक बरहथवा- ५, राजुचोकका हरिन्द्र महतो र सोही स्थानका पुरुषोत्तम दास रहेको जिल्ला प्रहरीका प्रवक्ता प्रहरी नायब उपरीक्षक दीपक श्रेष्ठले जानकारी दिए ।

महतोको बरहथवास्थित एडभान्स सञ्जीवनी अस्पतालमा र दासको बयोधा अस्पताल वीरगञ्जमा उपचारका क्रममा मृत्यु भएको हो । घटनामा संलग्न ट्रयाक्टर, चालक र मोटरसाइकल प्रहरीले नियन्त्रणमा लिएको प्रहरी नायब उपरीक्षक श्रेष्ठले जानकारी दिए ।

प्रकाशित मिति: मंगलबार, पुस १६, २०८१ ०८:२६

प्रतिक्रिया दिनुहोस्