काठमाडौँ । आज २०८१ साल पुस १७ गते बुधबार तदनुसार अङ्ग्रेजी नयाँ वर्ष। सन् २०२५ जनवरी १ तारिख। पुस शुक्ल पक्षको द्वतीया तिथि।
मेषः दैनिक काम सहजै बन्नेछन्। हरेक काममा स्वास्थ्यले साथ दिनेछ। शिक्षाको क्षेत्रमा गरेको प्रयास सफल बन्नेछ। राज्यको महत्त्वपूर्ण क्षेत्रमा सेवाको अवसर मिल्नेछ।
वृषः दाजुभाइसँग सहकार्य भए फाइदा हुनेछ। चिसोबाट लाग्ने रोगबाट बच्ने प्रयास गर्नुपर्ने दिन छ। प्रेम सम्बन्ध सुमधुर बन्नेछ।
मिथुनः बोल्नु अगाडि सोच्नुपर्ने दिन छ। परिवारसँग बसेर रमाइलो गर्ने योजना बन्नेछ। साथीभाइसँगको सङ्गत फलदायी हुनेछ। धार्मिक कार्यमा सहभागी भएमा मन शान्त बन्नेछ।
कर्कटः विपक्षी सक्रिय भएकाले हरेक ठाउँमा बाधा हुनेछ। सुजबुझका साथ अगाडि बढ्नु फाइदा हुनेछ। पश्चिमको लामो यात्रा नगर्नु राम्रो हुनेछ।
सिंहः स्वदेशमा भन्दा विदेशतर्फ मन आकर्षित हुनेछ। वैदेशिक क्षेत्रको लगानीबाट फाइदा हुनेछ। प्रेम सम्बन्ध सुमधुर बन्नेछ।
कन्याः आफ्नो स्वास्थ्यलाई बिर्सिएर अरुको विषयमा चासो राख्ने बानीले ठुलो घाटा हुनेछ। यात्राको योजना बनाएको भए स्थगित गर्नु राम्रो हुनेछ। परिवारबाट भने धोका हुने जोखिम छ।
तुलाः दाजुभाइसँगको सहकार्य सफल बन्नेछ। विपक्षी साथीले प्रशंसा गर्नेछन्। आफन्तलाई खुशी पार्न समस्या हुनेछ। प्रेम सम्बन्धमा खटपटी बढ्नेछ।
वृश्चिकः दिन सामान्य छ। सञ्चित धन खर्च हुनेछ। सानो कुराले मनमा खटपटी बढ्नेछ। प्राविधिक शिक्षाको क्षेत्रमा प्रगति हुनेछ। सङ्कटमा परिवारको साथ मिल्नेछ।
धनुः हरेक रोगबाट मुक्त हुने दिन छ। परिवारबाट धोका हुने भएकाले सचेत बन्नुपर्नेछ। प्रेम सम्बन्धमा खटपटी बढ्ने जोखिम छ।
मकरः दैनिक काम सहजै बन्नेछन्। लगानीको क्षेत्रमा उत्साह बढ्नेछ। विपक्षीको साथमा महत्त्वपूर्ण काम बन्नेछ। परिवारलाई समय दिन नसक्दा खटपटी बढ्नेछ।
कुम्भः परोपकारमा सक्रिय हुनु राम्रो हुनेछ। गुरुबाट असहयोग हुँदा मन भने दुःखी हुनेछ। परिवारको साथ र सहयोग प्राप्त हुनेछ।
मीनः दैनिक काम सहज भए पनि बौद्धिक क्षेत्रमा साथीहरूले असहयोग गर्नेछन्। गोपनीयता भङ्ग नगर्नु राम्रो हुनेछ। प्रेम सम्बन्धमा सुधार हुनेछ।
