काठमाडौँ । आज २०८१ साल पुस १८ गते बिहीबार तदनुसार सन् २०२५ जनवरी २ तारिख। पुस शुक्ल पक्षको तृतीया तिथि।
मेषः दिन समान्य रहेको छ । मानसिक चिन्ता र असन्तुष्टि बढ्नेछ। व्यवसायमा साझेदारी गरेमा फाइदा हुनेछ। धार्मिक कार्यमा सहभागी भएमा मन शान्त बन्नेछ।
वृषः चिसोबाट बच्नुपर्नेछ। विदेशी लगानीमा घाटा हुने भएकाले लगानी गर्नु अगाडि सचेत बन्नुपर्नेछ। परिवारसँगको सम्बन्ध सहज बन्नेछ।
मिथुनः दक्षिणको लामो यात्रा नगर्नु राम्रो हुनेछ। लगानी गर्नुपर्ने भए सहकार्य गरेमा फाइदा हुनेछ। वैदेशिक क्षेत्रको लगानीबाट फाइदा हुनेछ।
कर्कटः दिन सहज बन्नेछ। दाजुभाइले साथ दिनेछन्। व्यापारमा लगानी गरेको भए फाइदा हुनेछ। राज्यको निगरानीमा भएकाले काम गर्दा सचेत बन्नुपर्नेछ।
सिंहः मन अशान्त बन्नसक्छ। परिवारको साथ र सहयोग प्राप्त हुनेछ। प्रेम सम्बन्ध सुमधुर बन्ने योग छ। लगानी गर्ने भए शिक्षाको क्षेत्रमा प्रगति हुनेछ।
कन्याः मनमा उत्साह बढ्नेछ। प्रेम सम्बन्ध सुमधुर बन्नेछ। शिक्षाको लगानीबाट फाइदा हुनेछ। परिवारसँग रमाइलो घुमघाम हुनेछ।
तुलाः खानपानमा सचेत बन्नु आवश्यक देखिन्छ। गला र कलाको प्रदर्शनले नाम र दाम मिल्नेछ। परिवारमा मेलमिलाप बढ्नेछ।
वृश्चिकः सञ्चित धन खर्च हुँदा मन खिन्न बन्नेछ। परिवारको साथ र सहयोग मिल्नेछ। साथीको सहयोगमा महत्त्वपूर्ण काम बन्ने योग रहेको छ।
धनुः बोली र व्यवहारमा एक रुपता नहुँदा समस्या हुनसक्छ। आर्थिक अवस्थामा सुधार हुनेछ। प्रेम सम्बन्ध सुमधुर बन्नेछ। शिक्षामा लगानी गरेको भए फाइदा हुनेछ।
मकरः दिन सामान्य छ। स्वास्थ्यमा सुधार हुनेछ। धैर्य भएर अगाडि बढ्नुपर्ने दिन छ। परिवारलाई मात्र विश्वास नगर्नु उपयुक्त देखिन्छ।
कुम्भः हरेक क्षेत्रमा बाधा सिर्जना हुनेछ। मानसिक रुपमा खटपटी बढ्नेछ। बिहान उठेर शिवको भजन गर्न सकेमा दैनिकी सहज बन्नेछ।
मीनः मन उदास बन्नसक्छ। शिक्षा र स्वास्थ्यमा गरेको लगानीबाट फाइदा हुनेछ। दिनको सुरुवात दान वा पिपलको दर्शनबाट गर्न सकेमा दैनिकी सहज बन्नेछ।
