काठमाडौँ । आज २०८१ साल पुस १९ गते शुक्रबार तदनुसार सन् २०२५ जनवरी ३ तारिख। पुस शुक्ल पक्षको चौथी तिथि।
मेषः दिन सामान्य छ। परिवारसँगको सम्बन्धमा सुधार हुनेछ। निजी शिक्षाको लगानीबाट मन शान्त बन्नेछ। बौद्धिक व्यक्तिको सुझाव अनुसार अगाडि बढ्नु राम्रो हुनेछ।
वृषः साथीसँग बोल्दा सचेत बन्नुपर्नेछ। सानो गल्तीले मिल्ने साथी टाढिने जोखिम छ। राज्यको तर्फबाट भय बढ्ने जोखिम छ। राजनीतिक क्षेत्रमा भय बढ्नेछ।
मिथुनः धेरै तर्क गर्दा सम्बन्ध बिग्रिने जोखिम छ। इज्जत राख्नकै लागि सम्पत्ति खर्च गर्नुपर्ने दिन छ। विदेशी लगानी भए मन प्रशन्न हुनेछ।
कर्कटः साथीभाइबाट असहयोग हुने जोखिम छ। सहकर्मीसँग मनमुटाव हुने जोखिम छ। स्वास्थ्यमा भने सुधार हुने योग छ। परिवारसँगको सम्बन्ध भने सुमधुर बन्नेछ।
सिंहः साथीले असहयोग गर्नेछन्। सञ्चित धन खर्च गर्नबाट जोगिनु पर्नेछ। परिवारको साथ र सहयोग प्राप्त हुनेछ। स्वास्थ्यमा सुधार हुनेछ।
कन्याः धार्मिक व्यक्तिसँगको भेटले मन शान्त बन्नेछ। परिवारको साथ र सहयोग मिल्नेछ। प्रेम सम्बन्ध सुमधुर बन्ने योग रहेको छ।
तुलाः विभिन्न क्षेत्रमा गरेको लगानीले मनमा शान्ति मिल्नेछ। स्वास्थ्यमा सुधार हुने योग छ। शिक्षामा गरेको लगानीबाट फाइदा हुनेछ। परिवारको साथ मिल्नेछ।
वृश्चिकः साना कुरामा अल्झिएमा मन अशान्त बन्नेछ। बौद्धिक व्यक्तिसँगको भेटले मन प्रसन्न बन्नेछ। परिवारसँगको सम्बन्ध सुमधुर रहने छ।
धनुः सम्पत्तिको सदुपयोग गर्नुपर्नेछ। राजनीतिक सङ्गठनमा साथ दिनेको सङ्ख्या बहुमत रहेको छ। सहयोगीसँग व्यवहार गर्दा सचेत बन्नुपर्ने योग छ।
मकरः दाजुभाइको साथ प्राप्त हुनेछ। सञ्चित धन ठगको हातमा पर्ने हुँदा सचेत बन्नुपर्नेछ। गरगहना हराउने जोखिम रहेको छ। मन शान्त बन्नेछ।
कुम्भः सञ्चित धन खर्च गर्दा खटपटी बढ्नेछ। वक्र बृहस्पति मनमा भएकाले मन अशान्त बन्नेछ। सङ्कटमा परिवारको सुझाव अनुसार अगाडि बढ्नु उपयुक्त हुनेछ।
मीनः आज गरेको लगानीबाट फाइदा हुनेछ। मनमा शान्ति प्राप्त हुनेछ। शिक्षाको क्षेत्रमा गरेको प्रयासमा ढिलासुस्ती हुनेछ। प्रेम सम्बन्ध भने सुमधुर बन्नेछ।
