काठमाडौँ । आज २०८१ साल पुस २३ गते मङ्गलबार तदनुसार सन् २०२५ जनवरी ७ तारिख। पुस शुक्ल पक्षको अष्टमी तिथि। भौमाष्टमी व्रत तथा गोरखकाली पूजा।
मेषः अनावश्यक क्षेत्रमा खर्च कटौती गर्नुपर्नेछ। साना कुराले मनमा खटपटी बढ्नेछ। विदेशमा गरेको लगानीबाट लाभ हुनेछ।
वृषः दिन सामान्य छ। नयाँ साथीसँगको भेटले मनमा शान्ति मिल्नेछ। व्यापारमा थोरै लगानी भए पनि राम्रो आम्दानी हुनेछ। परिवारसँगको सम्बन्ध सुमधुर बन्ने योग छ।
मिथुनः घरका भन्दा बाहिरका व्यक्तिको सहयोग मिल्नेछ। धार्मिक व्यक्तिसँगको भेटले नयाँ अवसर प्राप्त हुनेछ। स्वदेशमा देखिने विकल्पबाट मन खुशी हुनेछ।
कर्कटः दाजुभाइले साथ दिनेछन्। भूमि सम्बन्धी कारोबारमा फाइदा हुनेछ। बिहान गणेशको भजन सुनेमा दिन सहज बन्नेछ। पश्चिमको लामो यात्रा नगर्नु राम्रो हुनेछ ।
सिंहः आम्दानीका दृष्टिले दिन सहज छ। राज्यको सेवाबाट सन्तुष्टि मिल्नेछ। प्रेम सम्बन्धमा खटपटी बढ्ने जोखिम छ। परिवारमा ठुलो विश्वास गर्नाले धोका हुनेछ।
कन्याः विपक्षी तपाईंको सहयोगमा जुटेकाले महत्त्वपूर्ण काम बन्नेछ। परिवारको साथमा बसेर रमाइलो गर्ने अवसर प्राप्त हुनेछ। दीर्घकालीन सोच राख्नु राम्रो हुनेछ।
तुलाः बौद्धिक व्यक्तिले आक्रमण गर्ने भएकाले सचेत भएर अगाडि बढ्नुपर्ने दिन छ। शिक्षा क्षेत्रको लगानीबाट भने नाफा हुनेछ। अन्य लगानी नगर्नु उचित हुनेछ।
वृश्चिकः बौद्धिक व्यक्तिसँगको भेटले मन शान्त बन्नेछ। निजी शिक्षामा गरेको लगानीबाट फाइदा हुनेछ। धार्मिक व्यक्तिसँगको सहकार्यबाट फाइदा हुनेछ।
धनुः स्वास्थ्यमा सुधार हुनेछ। खानपानमा ख्याल गर्नुपर्ने छ। परिवारको साथ र सहयोग प्राप्त हुनेछ। प्रेम सम्बन्ध सुमधुर बन्ने योग छ। ठुलो लगानी नगर्नु राम्रो हुनेछ।
मकरः साथी भाइसँगको सहकार्यलाई अगाडि बढाएमा फाइदा हुनेछ। काम गर्नु अगाडि सचेत बन्नुपर्नेछ। प्रेममा ठुलो विश्वास गर्दा घाटा हुने जोखिम रहेको छ।
कुम्भः आफ्नो कामबाट आफैलाई हीनताबोध हुनसक्छ। धनलक्ष्मी योग परेकाले आम्दानी बढ्नेछ। स्वास्थ्य क्षेत्रमा भने सचेत बन्नु राम्रो हुनेछ। सङ्कटमा परिवारको साथ र सहयोग मिल्नेछ।
मीनः दिन रमाइलो बन्नेछ। शिक्षाको क्षेत्रमा मेहनत गर्नुपर्ने दिन छ। परिवारको तर्फबाट तपाईंको राम्रो रेखदेख हुनेछ। उत्तरको लामो यात्रा नगर्नु राम्रो हुनेछ।
