मौसमः कर्णाली र सुदूरपश्चिममा हल्का हिमपात र वर्षाको सम्भावना

समाचार

गृहपृष्ठ
समाचार
मौसमः कर्णाली र सुदूरपश्चिममा हल्का हिमपात र वर्षाको सम्भावना

मौसमः कर्णाली र सुदूरपश्चिममा हल्का हिमपात र वर्षाको सम्भावना

शनिबार, पुस २७, २०८१ राष्ट्रिय समाचार

काठमाडाैँ । हाल देशमा पश्चिमी वायुको प्रभावका कारण कर्णाली र सुदूरपश्चिम प्रदेशका उच्च पहाडी तथा हिमाली भू- भागका केही स्थानहरूमा हल्का हिमपातको सम्भावना रहेको छ ।

यी दुवै प्रदेशका थोरै स्थानहरूमा हल्का वर्षाको सम्भावना रहेको छ ।

मौसम पूर्वानुमान महाशाखाका अनुसार कोशी प्रदेश, कर्णाली प्रदेश र सुदूरपश्चिम प्रदेशका उच्च पहाडी तथा हिमाली भू- भागमा आंशिक बदली तथा बाँकी भू- भागमा मौसम मुख्यतया सफा रहेको छ ।

आज सुदूरपश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेशमा साधारणतया बदली तथा बाँकी भू- भागमा आंशिक बदलीदेखि मौसम मुख्यतया सफा रहने छ ।

साथै बिहानको समयमा देशका तराई तथा उपत्यकाका धेरै स्थानहरूमा हुस्सु र कुहिरोको सम्भावना रहेकोले दैनिक जनजीवन, स्वास्थ्य, यातायात तथा हवाई उडानमा असर पर्न सक्ने हुनाले आवश्यक सतर्कता अपनाउन महाशाखाको अनुरोध छ ।

प्रकाशित मिति: शनिबार, पुस २७, २०८१ ०७:३५

प्रतिक्रिया दिनुहोस्