काभ्रे र सिन्धुपाल्चोकमा उत्पादित तरकारीमा विषादी प्रयोगमा कमी आयो : प्रतिवेदन

स्वास्थ्य

गृहपृष्ठ
स्वास्थ्य
काभ्रे र सिन्धुपाल्चोकमा उत्पादित तरकारीमा विषादी प्रयोगमा कमी आयो : प्रतिवेदन

काभ्रे र सिन्धुपाल्चोकमा उत्पादित तरकारीमा विषादी प्रयोगमा कमी आयो : प्रतिवेदन

मंगलबार, माघ १, २०८१ राष्ट्रिय समाचार

काभ्रेपलाञ्चोक । काभ्रेपलाञ्चोक र सिन्धुपाल्चोकमा तरकारीसहित अन्य खाद्यबालीमा प्रयोग हुने किटनाशक तथा अन्य विषादी प्रयोगमा कमी आएको प्रतिवेदनले देखाएको छ ।

जिल्ला कृषि विकास कार्यालय काभ्रेपलाञ्चोकद्वारा सार्वजनिक गरिएको उक्त प्रतिवेदनमा यी दुई जिल्लामा पछिल्लो वर्ष विषादीको खपत तथा प्रयोगमा कमी आएको उल्लेख गरिएको छ ।

कार्यालयका प्रमुख कुलप्रसाद दवाडीका अनुसार पछिल्लो आर्थिक वर्ष २०८०- ८१ मा काभ्रेपलाञ्चोक र सिन्धुपाल्चोकमा अघिल्लो आवको तुलनामा समग्रमा विषादी खपत र प्रयोगमा कमी आएको छ ।

दवाडीद्वारा प्रस्तुत प्रतिवेदनमा आव २०८०- ८१ मा काभ्रेपलाञ्चोकमा किटनाशक धुलो- दानादार विषादी १० हजार पाँच सय किलोग्राम, तरल विषादी नौ हजार लिटर, ढुसीनाशक धुलो- दानादार ३८ हजार एक सय किलोग्राम, तरल विषादी १० हजार ३० लिटर, झारनाशक धुलो- दानादार तीन हजार पाँच सय किलोग्राम, तरल विषादी चार हजार तीन सय लिटर खपत भएको उल्लेख गरिएको छ ।

यस्तै जैविक विषादी धुलो- दानादार नौ सय किलोग्राम, तरल विषादी दुई हजार लिटर र अन्य धुलो- दानादार विषादी दुई सय ५० किलोग्राम र एक हजार लिटर तरल विषादी खपत भएको प्रमुख दवाडीले जानकारी दिए ।

उनका अनुसार आव २०७९- ८० मा भने काभ्रेपलाञ्चोकमा धुलो- दानादार विषादी ५६ हजार एक सय ६० किलोग्राम र तरल विषादी २८ हजार नौ सय ६४ लिटर प्रयोग गरिएको थियो ।

प्रकाशित मिति: मंगलबार, माघ १, २०८१ १२:३९

प्रतिक्रिया दिनुहोस्