प्रतिनिधिसभा बैठक बस्दै, आज प्रधानमन्त्रीले सांसदहरूले सोधेका प्रश्नको जवाफ दिने

राजनीति

गृहपृष्ठ
राजनीति
प्रतिनिधिसभा बैठक बस्दै, आज प्रधानमन्त्रीले सांसदहरूले सोधेका प्रश्नको जवाफ दिने

प्रतिनिधिसभा बैठक बस्दै, आज प्रधानमन्त्रीले सांसदहरूले सोधेका प्रश्नको जवाफ दिने

आइतबार, फागुन ४, २०८१ राष्ट्रिय समाचार

काठमाडौँ । सङ्घीय संसद् अन्तर्गत प्रतिनिधिसभाको बैठक आज बस्दैछ ।

दिउँसो एक बजे संसद् भवन नयाँबानेश्वरमा बस्ने आजको बैठकमा प्रधानमन्त्री केपी शर्मा ओलीले प्रतिनिधिसभा नियमावली, २०७९ को परिच्छेद- ९ बमोजिम सांसदहरूले सोधेका प्रश्नको जवाफ दिने सम्भावित कार्यसूची रहेको छ ।

यस्तै, सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थप सम्बन्धी पत्रको व्यहोरा पढेर सुनाउने छन् ।

यसैगरी, गृहमन्त्री रमेश लेखकले ‘नेपाल नागरिकता (दोस्रो संशोधन) विधेयक, २०८१ माथि सामान्य छलफल गरियोस्’ भन्ने प्रस्ताव प्रस्तुत गर्ने छन् ।

बैठकमा वन तथा वातावरण मन्त्री ऐन बहादुर शाही ठकुरीले ‘मोन्ट्रियल प्रोटोकल किगाली संशोधनमाथि सामान्य छलफल गरियोस्’ भन्ने प्रस्ताव प्रस्तुत गर्ने कार्यतालिका रहेको छ ।

प्रकाशित मिति: आइतबार, फागुन ४, २०८१ ०७:३४

प्रतिक्रिया दिनुहोस्