काठमाडाैँ । आज २०८१ साल फागुन ८ गते बिहीबार माघ शुक्ल पक्षको सप्तमी उपरान्त अष्टमी तिथि । गोरखकाली पूजा । तदनुसार सन् २०२५ फेब्रुअरी २० तारिख ।
मेष : पुरानो साथीसँग भेट हुने दिन छ । यात्रामा निस्कँदा सामानको ख्याल गर्नुपर्नेछ ।
वृष : मनपर्ने वस्त्र उपहार पाइनेछ । आफन्तको प्रगतिमा मन रमाउनेछ ।
मिथुन : आकस्मिक यात्राको योजना बन्नेछ। आज निलो रङ भाग्यशाली रहेको छ ।
कर्कट : आफ्नै क्षेत्रमा प्रभुत्व जमाउन सकिनेछ । आर्थिक कारोबार गर्दा अलि बढि मेहनत गर्नुपर्नेछ ।
सिंह : टाढा रहेका साथीभाइसँग रमाइलो भेटघाट हुनेछ । दाम्पत्य जीवन सुखमय हुनेछ ।
कन्या : बिहानै मन्दिर दर्शन गर्दा मनमा आनन्द प्राप्त हुनेछ । व्यापार व्यवसायबाट लाभ हुनेछ ।
तुला : पुराना कामहरू सम्पन्न हुँदा मनमा उत्साह छाउनेछ । घरमा अकस्मात् पाहुनाको आगमन हुनेछ ।
वृश्चिक : नयाँ कामका लागि अवसर प्राप्त हुनेछ । घरपरिवारको सल्लाह अनुसार अघि बढ्नु उचित होला ।
धनु : भोकालाई भोजन दान गर्दा आर्शिवाद मिल्नेछ । नयाँ ज्ञान सिक्नका लागि अवसरहरू मिल्ला ।
मकर : सानातिना बाधा आइपरे पनि काममा निरन्तर लाग्नुहोला । समस्यामा साथीभाइकाे सहयोग मिल्नेछ ।
कुम्भ : उन्नतिको मार्ग प्रशस्त हुनेछ । धार्मिक तथा समाजसेवामा मन जानेछ ।
मीन : पहेंलो रङको प्रयोगले भाग्य चम्किन सक्छ । आफन्तहरूको सहयोग लिएर नयाँ काम थाल्नु उचित हुनेछ ।
