काठमाडौँ । होटल व्यवसायी महासंघको १२ औँ वार्षिक साधारण सभा सम्पन्न भएको छ ।
नेपालभर छरिएर रहेका साना, मझौला, ठुला होटल तथा रेष्टुरेण्टहरुको छाता संगठन होटल व्यवसायी महासंघले यही चैत्र १६ गते शनिबार काठमाडौंमा आफ्नो वार्षिक साधारण सभा सम्पन्न गरेको हो ।
सभामा बोल्दै महासंघका अध्यक्ष दिनेशकुमार चुकेले होटल तथा रेष्टुरेण्टको दीर्घकालीन संचालन प्रक्रिया, राज्यको भुमिका र पर्यटन प्रवर्धनमा व्यवसायीको दायीत्वमाथि चर्चा गरेका थिए ।
अझै राज्यले होटल तथा रेष्टुरेण्ट व्यवसायी संचालन गर्न ढुक्कको वातावरण निर्माण गर्न सकेको छैन, उनले भने,‘त्यसका लागि आवस्यक नीति निर्माण, सहजता, सुविधा र सुरक्षा आवस्यक छ ।’ अध्यक्ष चुकेले नेपालको होटल क्षेत्रमा भइरहेको पाँच खर्ब भन्दा माथिको लगानी, यसको सुरक्षा, सम्वर्धन र राज्यले दिनुपर्ने सुविधामा सरकार गंभिर बन्न अनुरोध गरेका थिए ।
देशको अर्थतन्त्रको मुख्य आधार होटल व्यवसायी रहेको औंल्याउँदै अध्यक्ष चुकेले व्यवसायीले कमाएको मात्र नभई धेरै तन्नेरी पुस्ताले यो क्षेत्रमा रोजगार पाइरहेको जानकारी गराए ।
होटल तथा रेष्टुरेण्ट संचालनमा प्रहरी प्रशासनको अनावस्यक निगगानी तथा चेकिङ, दर्ता प्रक्रियामा कानुनी झन्झट, करको कडाई, गुण्डागर्दी र असुरक्षाको वातारण अन्त्य गर्न अध्यक्ष चुकेले सरकारसँग माग गरेका थिए ।
कार्यक्रममा महासंघका संरक्षक अमृतबहादुर भुजेल, सल्लाकार केपी पाध्य, कोशी प्रदेशका अध्यक्ष राजन दंगाल, सह–आयोजक संस्था जिल्ला होटल व्यवसायी संघ काठमाडौँका अध्यक्ष सुरेश बराल, जिल्लागत संघको प्रतिनिधित्व गर्दै होटल व्यवसायी संघ झापाकी अध्यक्ष इन्दिरा श्रेष्ठ, रुपन्देहीका नरेन्द्र खनाल लगायतले शुभकामना मन्तव्य दिएका थिए ।
संस्थाका संस्थापक जेष्ठ केन्द्रीय सदस्य गोपी सार्कीले शुभारम्भ गरेका सभामा वरिष्ठ उपाध्यक्ष शेरबहादुर थापाले स्वागत र महासचिव टिआर भण्डारीले कार्यक्रम संचालन गरेका थिए ।
महासचिव भण्डारीले सांगठनिक प्रतिवेदन, कोषाध्यक्ष कृष्णकुमार श्रेष्ठले आर्थिक प्रतिवेदन र लेखा समितिका संयोजक दिपेन सुवेदीले लेखा समितिको प्रतिवेदन प्रस्तुत गरेका थिए ।
साधारण सभामा देशैभरिका आवद्ध प्रदेश संघहरू, ५७ जिल्लाका ९७ संघहरूबाट करिब ३ सय प्रतिनिधि सहभागी थिए । साधारण सभा अघि अर्थात चैत्र १५ गते महासंघको सचिवालय र केन्द्रीय कार्यसमिति बैठक बसेको थियो ।
साधारण सभाको बन्दसत्रमा अध्यक्ष चुकेले पर्यटनसँग सम्बन्धित मागहरू राज्यले सम्बोधन गर्न नसकेको अवस्थामा ती मागहरुलाई महासंघको तर्फबाट सरकार समक्ष राख्ने जानकारी दिएका थिए ।
लगानीको अवस्था र कारोवार
महासंघका अनुसार होटल व्यवसायीहरूले यो क्षेत्रमा करिब ५ खर्ब लगानी गरेका छन् भने बैंक तथा सहकारीहरूबाट २ खर्ब रुपैयाँ कर्जा कारोबार गरेका छन् । होटल व्यवसायीहरू पारिवारिक रूपमा आफै होटलमा संलग्न छन् भने १३ लाख ५० हजारले रोजगारी पाएको महासंघले जनाएको छ ।
त्यसैगरी, तलब तथा सुविधामा २० अर्व रुपैयाँ प्रत्यक्ष अप्रत्यक्ष रुपमा पाइरहेका छन् । होटल क्षेत्रले वार्षिक ६ खर्ब ६० करोड कारोबार गर्दै आएकोमा नेपाल सरकारलाई प्रत्यक्ष अप्रत्यक्ष कर वापत ६० अर्ब बुभाउँदै आएको महासंघले जनाएको छ ।
नेपालको अर्थतन्त्रमा होटल क्षेत्रले महत्वपूर्ण योगदान पुर्याइरहेको आइरहेको भएपनि यस क्षेत्रले राखेका मागहरूको भने सरकारले वेवास्ता गर्दै आइरहेको संघका अध्यक्ष चुकेले बताए ।
उनले भने, ‘हामीले पटक पटक सरकारसँग आवश्यक सल्लाहसहित हाम्रा मागहरू राख्दै आएका छौं । आवश्यक सहकार्य तथा प्रस्तुत गरिएको सुझाव, सल्लाहहरूलाई कार्यान्वयन पक्षमा सरकारले वेवस्ता गर्दै आएको छ । हामीले यो साधारणसभाबाट होटल क्षेत्रसँग सम्बन्धित मागहरू उठाएर सरकारलाई घच्घच्याउने निर्णय गरिसकेका छौं ।’
महासंघका अनुसार पर्यटन ऐन, पर्यटन नीति व्यवसायीमूखी नभएको, वार्षिक वजेटहरु पर्यटन विकास विनियोजित रूपमा रहेता पनि महासंघको धारणाअनुरूप पर्यटन प्रवर्धनमा सही बजेट नभएको हुँदा बजेट व्यवस्थापन र तालिमहरुको व्यवस्था गर्न माग गरेको छ।
होटल व्यवसायी महासंघ देशैभरि छरिएर रहेका साना, मझौला र ठुला होटल, रेष्टुरेण्ट, व्याड्केट, रिसोर्ट, लाउन्ज एवम् क्याफे लगायत फुड एण्ड अकोमोडेसन सेवाको क्षेत्रमा व्यवसाय संचालन गरिरहेका व्यवसायीहरुको छाता संस्था हो । यो गैरनाफामूलक राष्ट्रिय स्तरको सामाजिक संस्था पनि हो ।
विंस २०६८ सालमा स्थापना भएको यस संस्थाले वैधानिकताको साथ आफ्नो विधानले निर्दिष्ठ गरेको नेपालको पर्यटन क्षेत्र, त्यसमा पनि होटल तथा रेष्टुरेन्ट व्यवसायीको हकहित संरक्षणका लागि विभिन्न निकायहरूसँगको सहकार्यमा कार्यक्रमहरू सञ्चालन गर्दै आइरहेको संघले जनाएको छ ।
देशैभरका ७७ वटै जिल्लामा रहेका करिब २ लाख भन्दा धेरै होटल तथा रेष्टुरेन्ट व्यवसारीहरूको छाता संस्थाले संघीय सरकार, संस्कृति पर्यटन तथा नागरिक उड्डयन मन्त्रालयसहित विभिन्न मन्त्रालयहरू, प्रदेश सरकार एवम् पर्यटन मन्त्रालय, स्थानीय सरकार, पर्यटन विभाग, नेपाल पर्यटन बोर्ड, आन्तरिक तथा बाह्य पर्यटनसँग सरोकार राख्ने विभिन्न संघसंस्थाहरुसंग सहकार्य गर्दै आइरहेको छ।
साथै संघले व्यवसायीको हकहित संरक्षण, रोजगारी सिर्जना, गरिबी निवारण तथा वैदेशिक मुद्रा आर्जनको प्रमुख क्षेत्रको रुपमासम्बद्ध निकायहरूसँगको साथ, सहयोग, समर्थन र सहजीकरण गर्दै आइरहेको अध्यक्ष चुकेले बताए ।
देशैभर एक स्थानबाट अर्को स्थानमा हवाईस्थल मार्गबाट दैनिक ४/५ लाख यात्रुहरू आउने जाने गरेको अवस्थामा महासंघसँग आवद्ध हरेक स्तरको होटलहरूले पर्यटकलाई सेवा दिइरहेको छ ।
व्यवसायीक तथा पर्यटन प्रर्वधनको हिसावले महासंघको होटल, रेष्टुरेण्टहरूले तराई, पहाड, हिमाली क्षेत्रमा विशिष्ट योगदान पुर्याइरहेको धारणा राखेको छ ।
साधारण सभामा सहभागी व्यवसायीहरुले सरकारले दिनुपर्ने सुरक्षा, ढुक्कको वातावरण, कानुनी सुविधा र प्रशासनिक सहजताको माग राखेका थिए ।
यो होटल व्यवसायी महासंघमा आवद्ध होटल र रेष्टुरेण्टहरुले मुलुकको अर्थतन्त्रमा ठुलो हिस्सा ओगटेको छ ।
साधारण सभाका केही झलकहरु–
