आजको मौसम : केही स्थानमा वर्षाको संभावना, उपत्यकामा धुलोको तुँवालो कायमै

समाचार

गृहपृष्ठ
समाचार
आजको मौसम : केही स्थानमा वर्षाको संभावना, उपत्यकामा धुलोको तुँवालो कायमै

आजको मौसम : केही स्थानमा वर्षाको संभावना, उपत्यकामा धुलोको तुँवालो कायमै

सोमबार, चैत २५, २०८१ राष्ट्रिय समाचार

काठमाडौँ । हाल देशमा पश्चिमी वायु तथा स्थानीय वायुको आंशिक प्रभाव रहेको छ। गण्डकी प्रदेश लगायत देशका पहाडी भू–भागमा आंशिक देखि साधारणतया बदली रही बाँकी भू–भागमा मौसम मुख्यतया सफा रहेको छ।

उपत्यकामा भने अझै धुलोको तुँवालो कायमै रहेको छ ।

मौसम पूर्वानुमान महाशाखाका अनुसार सोमबार कोशी प्रदेश, बागमती प्रदेश, गण्डकी प्रदेश र कर्णाली प्रदेशका पहाडी भू–भागका एक–दुई स्थानमा मेघगर्जन र चट्याङसहित हल्का वर्षाको सम्भावना रहेको छ।

कोशी प्रदेश, बागमती प्रदेश, गण्डकी प्रदेश र कर्णाली प्रदेशको हिमाली भू–भागका एक–दुई स्थानमा हल्का वर्षा र हिमपातको सम्भावना रहेको छ।

तर देशका धेरै स्थानहरूमा वर्षाको सम्भावना कम रहेको कारण सुख्खापन, आगलागी तथा बायु प्रदूषण बढ्दै जाने सम्भावना रहेको छ ।

यसबाट स्वास्थ्य, दैनिक जनजीवन, कृषि, सडक तथा हवाई यातायातमा समेत प्रभाव पर्न सक्ने हुँदा त्यसबाट हुन सक्ने असरबाट बच्न आवश्यक उपायहरू तथा सतर्कता अपनाउन महाशाखाको अनुरोध छ।

प्रकाशित मिति: सोमबार, चैत २५, २०८१ ०७:३३

प्रतिक्रिया दिनुहोस्