राप्रपा नेताद्वय धवलशमशेर र रविन्द्र मिश्र थप १५ दिन हिरासतमा

राजनीति

गृहपृष्ठ
राजनीति
राप्रपा नेताद्वय धवलशमशेर र रविन्द्र मिश्र थप १५ दिन हिरासतमा

राप्रपा नेताद्वय धवलशमशेर र रविन्द्र मिश्र थप १५ दिन हिरासतमा

मंगलबार, चैत २६, २०८१ राष्ट्रिय समाचार

काठमाडौँ । चैत १५ गते तिनकुनेमा भएको हिंसात्मक प्रदर्शनमा सहभागी भएपछि राष्ट्रिय प्रजातन्त्र पार्टी (राप्रपा)का नेताद्वय धवलशमशेर राणा र रविन्द्र मिश्रलाई थप १५ दिन हिरासतमा राख्न जिल्ला अदालत काठमाडौँले मंगलबार अनुमति दिएको छ ।

यी दुई नेता सहित २० जनाविरुद्ध १५ दिनको हिरासतको म्याद थप भएको हो ।

सबैजनालाई संगठित अपराध अन्तर्गतको मुद्दा लागेको छ ।

राज्यविरुद्धको कसुरमा मुद्दा चलाइएकाहरू अब १५ दिनमा हिरासतमै रहने भएका छन् । उनीहरूविरुद्ध राज्यविरुद्धको कसुर र संगठित अपराधको कसुरमा मुद्दा चलाइएको छ ।

जिल्ला सरकारी वकील कार्यालय स्रोतका अनुसार, यो म्याद सकिएपछि मिश्र सहित केही व्यक्तिलाई पुर्पक्षका लागि जेल चलान गर्ने संभावना छ ।

त्यसैगरी आपराधिक उपद्रव र संगठित अपराधको कसुरमा मुद्दा चलाइएकाहरुविरुद्ध भने १५ दिनको म्याद थप भएको छ । प्रहरीले अहिलेसम्म तीनकुनेमा भएको हिंसात्मक प्रदर्शनको क्रममा सय बढी जनालाई पक्राउ गरेको छ । अझै पक्राउ पर्ने क्रम जारी छ ।

पूर्वराजा पक्षधरका तर्फबाट १५ चैतमा भएको प्रदर्शनमा दुई जनाको हत्या, करोडौंको सम्पति नोक्सान, आगजनी र सर्वसाधारण नागरिकका घरहरु तोडफोड भएको थियो ।

प्रकाशित मिति: मंगलबार, चैत २६, २०८१ १६:२५