मुम्बई प्रहरीले भन्यो,‘सलमान खानलाई धम्की दिने मानसिक बिरामी’

मनोरञ्जन

गृहपृष्ठ
मनोरञ्जन
मुम्बई प्रहरीले भन्यो,‘सलमान खानलाई धम्की दिने मानसिक बिरामी’

मुम्बई प्रहरीले भन्यो,‘सलमान खानलाई धम्की दिने मानसिक बिरामी’

बिहीबार, वैशाख ४, २०८२ एजेन्सी

बलिउड नायक सलमान खान । फाइल तस्बिर ।

काठमाडौँ । चर्चित अभिनेता सलमान खानलाई ज्यान मार्ने धम्की पठाउने व्यक्ति मानसिक रूपमाा बिरामी रहेको मुम्बई प्रहरीले जनाएको छ ।

मुम्बई प्रहरीले इन्डियन सञ्चारमाध्यमलाई दिएको जानकारी अनुसार सलमानलाई धम्कीपछिको अनुसन्धानका क्रममा गुजरातको वडोदराबाट २६ वर्षीय मयंक पाण्ड्यालाई नियन्त्रणमा लिइएको हो । पाण्ड्याले सलमानलाई ह्वाट्सएपमार्फत् ज्यान मार्ने धम्की दिएको आरोप छ ।

प्रहरी अधिकारीहरूका अनुसार पाण्ड्या मानसिक बिरामी थिए । अहिले उनको उपचार चलिरहेको छ। पाण्ड्याले मुम्बई ट्राफिक प्रहरीको ह्वाट्सएप हेल्पलाइनमा पठाएको सन्देशमा लेखिएको थियो, ‘हामी तिम्रो घरमा छिर्छौं र तिमीलाई मार्छौं ।’ साथै उनले सलमानको कारमा बम राखिएको दाबी पनि गरेका थिए ।

यसअघि सलमानले पाएको धम्कीहरूमा पनि यस्तै प्रकारको भाषा प्रयोग गरिएको थियो । सलमान खान हाल मुम्बईको बान्द्रास्थित ग्यालेक्सी अपार्टमेन्टमा आफ्नो परिवारसँग बसोबास गर्दै आएका छन् । उनी लामो समयदेखि लरेन्स विश्नोई गिरोहको निशानामा छन् ।

यो विश्नोई समुह इन्डियाको हिन्दु कट्टरवादी समुह हो ।

गत दुई वर्षमा सलमानले यस प्रकारको पाँचौं पटक धम्की पाएका हुन् । गत वर्ष उक्त गिरोहका सुटरहरूले उनको घर अगाडि गोली चलाएपछि उनको सुरक्षामा थप कडाइ गरिएको थियो ।

एजेन्सी

प्रकाशित मिति: बिहीबार, वैशाख ४, २०८२ ०९:०७