डलरको मूल्य ११३ नाघ्यो

अर्थ

गृहपृष्ठ
अर्थ
डलरको मूल्य ११३ नाघ्यो

डलरको मूल्य ११३ नाघ्यो

बिहीबार, भदौ १४, २०७५ राष्ट्रिय समाचार

Screenshot_2018-08-14-13-37-29-20

काठमाडौं ।अमेरिकी डलरको मूल्य अहिलेसम्मकै उच्च विन्दुमा पुगेको छ। नेपाल राष्ट्र बैंकले बिहीबारका लागि डलरको बिक्रीदर मूल्य ११३ रुपैयाँ २५ पैसा तोकेको छ। त्यस्तै खरिददर मूल्य ११२ रुपैयाँ ६५ पैसा कायम भएको छ। एकै दिन नेपाली मुद्राको मूल्य ७८ पैसाले खस्किएको छ। कच्चा तेलको मूल्यसँगै डलरको मूल्य बढ्दा नेपालको अर्थतन्त्रमा यसले सिधा असर पर्नेछ। कच्चा तेलको मूल्य हाल प्रतिब्यारेल ७७ डलर नाघेको छ। नेपालमा आयातित बस्तुमध्ये रकमका आधारमा पेट्रोलियम पदार्थको हिस्सा सबैभन्दा धेरै छ। गत आर्थिक वर्ष मात्रै १ खर्ब ७० अर्ब रुपैयाँको पेट्रोलियम पदार्थ आयात भएको छ। डलरको मूल्य बढ्दा यस आर्थिक वर्षमा पेट्रोलियम पदार्थमा बाहिरिने रकम अझ बढ्नेछ। त्यस्तै आयातित सवारी साधन र पार्टपूर्जाको मूल्य महँगो हुनेछ। गत आर्थिक वर्षमा सवारीसाधन तथा पार्टपूर्जाका लागि १ खर्ब ५ अर्ब रुपैयाँ बाहिरिएको छ। एकातिर सर्वसाधारणलाई सवारीसाधनको मूल्य महँगो पर्नेछ भने महँगिएको सबै रकम देशबाहिर जाने भएकाले अर्थतन्त्रमा नकारात्मक प्रभाव देखिनेछ। इन्धन र सवारीसाधन मात्रै नभई आयातित सम्पूर्ण उपभोग्य सामानको समेत मूल्य बढ्न जानेछ। निर्यात बस्तुभन्दा आयातित बस्तुको आकार उच्च भएकाले समग्रमा देशमा व्यापार घाटा बढ्न जानेछ। सेतोपाटी

प्रकाशित मिति: बिहीबार, भदौ १४, २०७५ १२:५५

प्रतिक्रिया दिनुहोस्